西藏博物馆

返回上一页

乾隆皇帝的西藏情结（特邀主讲人：林欢）

640 (1).jpg

ཤིང་ཕོར་ནི་བོད་རིགས་མི་དམངས་ཀྱིས་བཟའ་བཏུང་བྱེད་པར་བཀོལ་བའི་སྣོད་ཆས་གཙོ་བོའི་གྲས་ཤིག་ཡིན་པ་དང་། མི་ཚང་མར་མི་ཚེ་གཅིག་ལ་ཆེས་གཅེས་སུ་འཛིན་པའི་ཤིང་ཕོར་རེ་ཡོད། བཟོ་བྱའི་མ་རྒྱུ་དང་། ཐོན་ཡུལ། བཟོ་རྩལ་སོགས་ལ་གཞིགས་ནས་ཤིང་ཕོར་ལ་རིམ་པ་མི་འདྲ་བ་ཧ་ཅང་མང་པོ་ཡོད་དེ། ཤིང་ཕོར་ནང་ནས་རྒྱུ་སྤུས་ཡག་ཤོས་ནི་བོད་ཡུལ་ལྷོ་རྒྱུད་ནས་ཐོན་པའི་རྫབ་ཡ་ཡིན་པ་དང་། ཤིང་ཕོར་དེ་རང་ལ་དུག་སེལ་ནུས་པ་ལྡན་པ་མ་ཟད་ཕོར་རིས་ཞིབ་ཚགས་པ་དང་། བཟོ་ལྟ་འགྱུར་བའམ་ཡང་ན་རྡིབ་ཀྱོང་བྱུང་ན་བསྐྱར་གསོ་རང་སོར་བྱེད་ཐུབ། དེ་ནས་སྤེན་རྩ་ཡིན། དེ་ནི་རིས་ལྡན་སྤེན་མ་ལས་བཟོས་པ་ཞིག་ཡིན་པས། རྒྱུ་སྤུས་སྲ་ཞིང་མཁྲེགས། སྟོད་ཕོར་ནི་སྟོད་མངའ་རིས་དང་ཉེ་བའི་ལ་དགས་ཡུལ་ནས་ཐོན་པ་དང་། ཤིང་མཛེར་པ་ནི་ཤིང་གི་སྐྱོར་ཤིང་བཟོ་བའི་རྒྱུ་ཞིག་ཡིན། དེར་བརྟེན་མཛེར་པ་ལས་བཟོས་པའི་ཤིང་ཕོར་གྱི་རིན་ཐང་ནི་ལྡབ་འགྱུར་ཡིན། སྟག་པ་དང་ཤིང་སྤ་བ། ཤིང་སྡོང་མ་བཅས་ཀྱི་ཤིང་རྒྱུ་འདི་རིགས་ནི་བོད་ཡུལ་དུ་ཧ་ཅང་མང་བ་དང་བཟོ་སྣོན་བྱེད་སླ་བས། དེ་དག་ལས་བཟོས་པའི་ཤིང་ཕོར་གྱི་སྤུས་ཀ་ཞན་ཙམ་ཡིན།